是我的問題吧, 不過問題出在哪兒呢?
不知道, 只是, 覺得跟他們好陌生,
他們不了解我, 我又不了解他們,
只是一起, 因為要互相合作而玩在一起.

是我自己沒有盡心吧,
沒有放個心出來跟他們玩,
先入為主覺得他們沒趣.
話題, 要找總是有的吧?

不過, 不多不少,
也可能是因為累了,
連跟他們修補的力氣也提不出來,
沒有心力去投入他們的世界,
花時間心思去營運, 去投其所好.

朋友, 不是說不想要,
當然想, 一直都想有個知己,
他明白我, 我又明白他, 有默契,
不過也明白自己的確令人感到難捉摸,
易接近, 但不容易明白, 行為飄忽不定...

曾經有過一個這樣的一個人出現過,
我說的話他明白,
我的感受他也知道,
原來, 被人了解, 也可以令自己充滿走下去的力氣.
之後不是愛他也跟他拍拖了,
因為, 一切像是從未遇過的那麼的美好,
最後, 夢醒一場空, 空餘恨.

我想的東西難懂嗎?
我說的話難明白嗎?
老人精, 老在哪?
我會懶惰, 會說任性的話, 做任性的事, 會挑剔, 會大玩大笑, 炒起氣氛,
會約一大班人玩白痴的事, 會頂嘴, 會耍人.......
也不會是好老啊.....年輕人會做的事, 我也會啊.....
老是令心態老, 還是成熟?
成熟又是什麼?

我不了解的事還有好多,
朋輩常常是我的謎.
為什麼失戀要界手?
為什麼不開心要黑面俾人睇?
為什麼想被人安慰又把安慰你的人罵去又要哭?
為什麼你們之間的感情轉向那麼快?
為什麼昨天你還對我好, 今天對我冷淡?
為什麼昨天你罵完他, 今天要跟他親熱?
為什麼不出席就不是朋友?
為什麼為什麼為什麼........?

為什麼我們之間沒有話題?
為什麼我對你們的熱情冷卻?
為什麼我對你們的善變情緒化厭倦了?

是我的問題吧, 但不改又行不行?

反而最近跟同輩朋友們的感情差了好多,
他們咩事唔開心我又唔知,
他們又唔講, 只係識黑臉,
十問9唔應,
諗住出去玩下啦, 又話冇錢.
真係好冇癮囉.
其實平時都冇咩計好傾嫁喇,
不過是硬要找話題都有得笑兩句.

都唔知道係唔係我老人精,
不過要說的話, 是大人朋友較為好玩吧,
周圍泡, 周圍食, 識野又多, 見野又多, 咁先有野好傾好玩吧.
反而而家D朋輩朋友, 又悶又靜態,
最多就是屈在那個家有陣酸味的同學家打牌.
去遠D咩, 唔係果個鬧情緒就是那個沒精打彩,
點玩呀? 合作做一件事都難.

是成熟程度吧?
(部份)大人會知分寸, 什麼時候, 什麼場合要做什麼,
懂得照顧別人的心情吧.
青年, 總是把自己放得太大,
喜怒哀樂什麼都不掩飾,
你唔開心, 用不著黑面讓全部人都黑面吧?
你唔想來, 就無謂勉強自己啦.

我真的, 開始忘了當初怎樣跟你們相處.

最近都好忙, 忙著四處去玩,
今天下午上完堂, 之後去溜冰, 食cheese cake, 再去shopping, 再去和民食好多好多野.
昨天去了跟父母飲茶, 然後老朋友聊天聊了一個下午, 回家又整燒雞翼,
前天去了昂坪360, 去了行山, 之後跟朋友慶祝生日, 去了大排檔食海鮮....
天天的節目都好豐富好開心,
好滿足好滿足.

我想, 既然今年咁好,
應該要找本薄仔, 把開心的事都記下,
製造一下快樂的罐頭!!

逃避是出於恐懼,
出於過往的經驗,
正如Dr. Cheung說的,
逃避令要處理的事增加了, 增多了,
因為除了事情的本身, 還要應付多個恐懼.

或許事情本身不如我想的可怕,
真正可怕的只是恐懼本身,
虛妄一向可怕, 不是嗎?

但不好好面對,
就是會浪費太多時間,
最後還是痛苦收場.

心魔啊心魔,
你是多麼可怕,
我屈服在你身下多年,
至今我終於見到你,
不願意給你控制,
要打敗你打敗你!!

上堂時...

講到聖經上寫唔做得D咩, 如果唔係要落地獄....

(我們好靜咁傾...)
BEN:" 下! 唔俾行房, 咁我都係落地獄好了. 後宮佳麗三億!!!"
SAVIN:" 我都要落地獄~ 我要睇李連杰"
WINI:" 關李連杰咩事?"
SAVIN: "李連杰信佛, 依呀SIR話, 一定落地獄啦.你來不來地獄? 有靚仔喎"
WINI: "落~~~我要飲酒~~冇酒會死嫁."
LOK: "我都落好了, 唔想上天堂見到陳AB" (呀SIR個名)
WINNIE:" 個個都落, 不如起下面攪gathering?"

之後呀SIR好似聽到我們說的話..
陳AB:" 你們唔好諗要捲到地獄中, 地獄充滿獄火, 你們會永受煎熬!!"
過了一會兒, 他走遠後...
BEN:" 上到天堂冇得攪野我都會慾火焚身死的...2邊都燒, 我還是落地獄好了."

之後聖經話原來篤人背瘠都要落地獄...
SAVIN:" 喂呀LOK, 篤人背瘠都要落地獄嫁, 陳AB成日講羅牧師壞話, 佢都上唔到去, 你落地獄可能都係見到佢...咁你點呀?"
LOK:" 佢落地獄, 咁我上天堂好了."
BEN: "魔鬼身材正D喎!"
LOK:" 但論樣天使靚D喎."
BEN: " 靚有鬼用牙, 都冇得攪."
LOK: "都係喎, 咁我都係落地獄了."
SAVIN:" 你們2個壞腦嫁喇就泥. 梗係落地獄啦, 地獄可以犯罪, 到時咪集體圍嘔陳AB囉."
LOK:" 都好喎!!都係地獄好, 做咩都得."
BEN:" 冇王管先爽!!"

之後陳AB話: "你們唔好以為上天堂好易, 基督教話信就可以, 你就是犯了姦淫. 偷竊等信了就可以得救? 梗係唔得啦!! 你們睇下聖經點講? 聖經說明要上教會.HJKJKLJL......要上堂唔容易嫁!!!"
SAVIN:" 古語有云: 取易不取難. 生活已經唔易, 死都咁難玩野咩..."
WINI:"可能2個世紀都唔夠一萬人上到去...地獄好似熱鬧D喎..."
LOK:" 全個中國都起哂下面啦一定..."
BEN:" 仲有德國...一齊在下面飲酒.."

之後陳AB搬椅子到我們的桌前講書,
我們就收哂聲了....不過他一邊讀經, 我一邊忍笑忍得好辛苦....

今個學期, "神學'"再現.
教的人, 還要是一個有宗教偏執的天煮教徒, 陳AB.

上陳AB的堂, 我們常常要做的是查經,
陳AB就幾乎把聖經都背了下來,
他迫我們要去看"離殺"當做project,
仲係咁批評之前學期教我們"新約聖經"的羅牧師,
直頭在我們份powerpoint上寫羅牧師的教堂不正當等...
搞到好多同羅sir好friend的同學都唔鐘意佢.
當然基督教的"信者得救"都俾他話...
上佢堂, 唔俾講野, 佢睇得好緊的,
總之, 我個人覺得他好"宗教偏執".
而大家又好怕上佢的堂啦.

人生的意義, 應該就是不斷的進步吧.

人際上, 情感上, 金錢上, 知識上, 見聞上...

好開心好開心啊,
我想, 我找到了一個真正適合自己,
或是說, 可以成為知己的人.
她的孫子都有6,7歲了,
不過性格跟我好似,
我覺得, 好似老去了的自己,
她甚至比我還要果斷.

今天去了一個舞會,
在場的都是50多歲的人,
看著他們, 我會想好多,
有時站在現在, 看不清自己想要的路,
但是站在未來, 就可能知道自己想要怎樣的過去.

我對能活在這兒, 心存感恩.

最喜歡的是--不留 和 白痴.

什麼也不留下.

有時侯真的想什麼都不要.

功課讓我這2天的日子充實起來,
功課, 果然還是individual的好,
group project讓人有太多的逃避空間.

有得逃避就不想面對.

不過其實面對也沒有什麼的可怕.
可能只是逃避成了我的慣性.

JOE曾經對著我說,
你從不輸給別人, 你只輸給你自己.

我當時聳聳肩, 算是默認了.
逃避和放棄得太多, 變成了一種"什麼也沒所謂"
什麼也可以, 什麼也沒所謂.

JAY說逃避是否認自己.
關於這點, 我有認真的想過,
到底面對困難痛苦, 還是逃避困難痛苦呢?

面對, 又可以面對什麼呢?
有什麼是必要去做的呢?
啊啊, 真的好煩, 還是不想了.
就先面對一下功課先吧.XDDDD

我小學時, 他問我, 讀書點呀? 乖唔乖呀?
我中學時, 他問我, 讀書點呀? 乖唔乖呀?
我大學時, 他問我, 讀書點呀? 乖唔乖呀?

哈哈. 仲會問我幾多歲.

他問我讀書唔係問成績的.
而係" 點呀? 讀書開唔開心呀?"
       "開心"
       "開心就得了."
       "咁你呢? 工作開唔開心?"
       "緊張又刺激"
       "都是正面的東西, 咁就得了."

今天和昨天依舊的沒有方向.
其實到最後我為了什麼來到這裡?
名財官利, 什麼可以帶得走?
或許, 來這兒, 就是要學會取得平衡,
communicate with the world.

可以當是去了趟日本旅行,
可以當是捐了給山區居民,
可以當是上了一課.

只是, 想起當初她叫我信她的言語,
不禁有點痛苦.
信心被利用的感覺不好受.
我又是那麼容易信人, 不懂拒絕.

一下間, 恨不得所有的尼日利亞人被希特拉殺死,
要不受天災橫禍奪去所有.
但靜下來想, 他們或許已經在地獄中.
貪念是貧窮的因.
世世為了個錢字去痛苦爭扎, 去偷去呃,
最後可以得到什麼呢?

就當是我無知不夠機警,
就當是我前世欠下的,
不再把快樂也給他偷去了.

也許, 從這次的事中, 我其實還可以學到好多好多.
下次我會小心好多的了.