最近跟一班媽媽LV年齡以上的朋友玩得好近好近,
就是什麼活動都出值了,
落夜總會跳舞, 去BBQ, 去生日party等,
還會約出來食飯, 一傾傾足6個小時等,
感覺上, 真的好鐘意同他們玩.
反而最近跟同輩朋友們的感情差了好多,
他們咩事唔開心我又唔知,
他們又唔講, 只係識黑臉,
十問9唔應,
諗住出去玩下啦, 又話冇錢.
真係好冇癮囉.
其實平時都冇咩計好傾嫁喇,
不過是硬要找話題都有得笑兩句.
都唔知道係唔係我老人精,
不過要說的話, 是大人朋友較為好玩吧,
周圍泡, 周圍食, 識野又多, 見野又多, 咁先有野好傾好玩吧.
反而而家D朋輩朋友, 又悶又靜態,
最多就是屈在那個家有陣酸味的同學家打牌.
去遠D咩, 唔係果個鬧情緒就是那個沒精打彩,
點玩呀? 合作做一件事都難.
是成熟程度吧?
(部份)大人會知分寸, 什麼時候, 什麼場合要做什麼,
懂得照顧別人的心情吧.
青年, 總是把自己放得太大,
喜怒哀樂什麼都不掩飾,
你唔開心, 用不著黑面讓全部人都黑面吧?
你唔想來, 就無謂勉強自己啦.
我真的, 開始忘了當初怎樣跟你們相處.
