於我來說, 今年是個好運年,
好運的年份, 真的好快樂好快樂的,
原來, 好運就是能夠注意到身邊一切值得快樂的事情,
自然滿心歡喜, 滿心祝福.

最近都好忙, 忙著四處去玩,
今天下午上完堂, 之後去溜冰, 食cheese cake, 再去shopping, 再去和民食好多好多野.
昨天去了跟父母飲茶, 然後老朋友聊天聊了一個下午, 回家又整燒雞翼,
前天去了昂坪360, 去了行山, 之後跟朋友慶祝生日, 去了大排檔食海鮮....
天天的節目都好豐富好開心,
好滿足好滿足.

我想, 既然今年咁好,
應該要找本薄仔, 把開心的事都記下,
製造一下快樂的罐頭!!

沒有時間了, 最近都好忙,
忙得團團轉, 幾乎要做的事情都做不了.
沒有時間了, 卻還是把要做的事情逃避.

逃避是出於恐懼,
出於過往的經驗,
正如Dr. Cheung說的,
逃避令要處理的事增加了, 增多了,
因為除了事情的本身, 還要應付多個恐懼.

或許事情本身不如我想的可怕,
真正可怕的只是恐懼本身,
虛妄一向可怕, 不是嗎?

但不好好面對,
就是會浪費太多時間,
最後還是痛苦收場.

心魔啊心魔,
你是多麼可怕,
我屈服在你身下多年,
至今我終於見到你,
不願意給你控制,
要打敗你打敗你!!

上堂前...
YA: "哼, 我上次講左一句野都俾佢勁啤. Savin你死定, 你一定俾佢啤到眼突"
SA: "我好乖既, 係你者,"
YA: "等住俾他打救啦你."
SA: "你離十字架條路近D!"(她坐得近呀SIR D)

上堂時...

講到聖經上寫唔做得D咩, 如果唔係要落地獄....

(我們好靜咁傾...)
BEN:" 下! 唔俾行房, 咁我都係落地獄好了. 後宮佳麗三億!!!"
SAVIN:" 我都要落地獄~ 我要睇李連杰"
WINI:" 關李連杰咩事?"
SAVIN: "李連杰信佛, 依呀SIR話, 一定落地獄啦.你來不來地獄? 有靚仔喎"
WINI: "落~~~我要飲酒~~冇酒會死嫁."
LOK: "我都落好了, 唔想上天堂見到陳AB" (呀SIR個名)
WINNIE:" 個個都落, 不如起下面攪gathering?"

之後呀SIR好似聽到我們說的話..
陳AB:" 你們唔好諗要捲到地獄中, 地獄充滿獄火, 你們會永受煎熬!!"
過了一會兒, 他走遠後...
BEN:" 上到天堂冇得攪野我都會慾火焚身死的...2邊都燒, 我還是落地獄好了."

之後聖經話原來篤人背瘠都要落地獄...
SAVIN:" 喂呀LOK, 篤人背瘠都要落地獄嫁, 陳AB成日講羅牧師壞話, 佢都上唔到去, 你落地獄可能都係見到佢...咁你點呀?"
LOK:" 佢落地獄, 咁我上天堂好了."
BEN: "魔鬼身材正D喎!"
LOK:" 但論樣天使靚D喎."
BEN: " 靚有鬼用牙, 都冇得攪."
LOK: "都係喎, 咁我都係落地獄了."
SAVIN:" 你們2個壞腦嫁喇就泥. 梗係落地獄啦, 地獄可以犯罪, 到時咪集體圍嘔陳AB囉."
LOK:" 都好喎!!都係地獄好, 做咩都得."
BEN:" 冇王管先爽!!"

之後陳AB話: "你們唔好以為上天堂好易, 基督教話信就可以, 你就是犯了姦淫. 偷竊等信了就可以得救? 梗係唔得啦!! 你們睇下聖經點講? 聖經說明要上教會.HJKJKLJL......要上堂唔容易嫁!!!"
SAVIN:" 古語有云: 取易不取難. 生活已經唔易, 死都咁難玩野咩..."
WINI:"可能2個世紀都唔夠一萬人上到去...地獄好似熱鬧D喎..."
LOK:" 全個中國都起哂下面啦一定..."
BEN:" 仲有德國...一齊在下面飲酒.."

之後陳AB搬椅子到我們的桌前講書,
我們就收哂聲了....不過他一邊讀經, 我一邊忍笑忍得好辛苦....

我, 可能真的是得罪得耶穌太多,
過了14年幼稚園到中學的基督教生涯,
我本以為可以擺脫耶穌之際.
前一個學期的"新約聖經"再次把我帶到地獄.
D功課難到呢.....都算了, 總算合格過了.
我就連聖經都送了俾人之後.

今個學期, "神學'"再現.
教的人, 還要是一個有宗教偏執的天煮教徒, 陳AB.

上陳AB的堂, 我們常常要做的是查經,
陳AB就幾乎把聖經都背了下來,
他迫我們要去看"離殺"當做project,
仲係咁批評之前學期教我們"新約聖經"的羅牧師,
直頭在我們份powerpoint上寫羅牧師的教堂不正當等...
搞到好多同羅sir好friend的同學都唔鐘意佢.
當然基督教的"信者得救"都俾他話...
上佢堂, 唔俾講野, 佢睇得好緊的,
總之, 我個人覺得他好"宗教偏執".
而大家又好怕上佢的堂啦.

見過一個男生的BLOG, 他歧視醜而不自知的女生,
說得好有趣,
其中他說:"打扮自己是一種修為."
我覺得很有意思.

人生的意義, 應該就是不斷的進步吧.

人際上, 情感上, 金錢上, 知識上, 見聞上...

好開心好開心啊,
我想, 我找到了一個真正適合自己,
或是說, 可以成為知己的人.
她的孫子都有6,7歲了,
不過性格跟我好似,
我覺得, 好似老去了的自己,
她甚至比我還要果斷.

今天去了一個舞會,
在場的都是50多歲的人,
看著他們, 我會想好多,
有時站在現在, 看不清自己想要的路,
但是站在未來, 就可能知道自己想要怎樣的過去.

我對能活在這兒, 心存感恩.

最近, 第一次留意到王菲的歌, 一聽就愛上.
王菲的歌聲是音樂.
歌詞也通通一絕. 像件藝術品吧.

最喜歡的是--不留 和 白痴.

什麼也不留下.

有時侯真的想什麼都不要.

功課讓我這2天的日子充實起來,
功課, 果然還是individual的好,
group project讓人有太多的逃避空間.

有得逃避就不想面對.

不過其實面對也沒有什麼的可怕.
可能只是逃避成了我的慣性.

JOE曾經對著我說,
你從不輸給別人, 你只輸給你自己.

我當時聳聳肩, 算是默認了.
逃避和放棄得太多, 變成了一種"什麼也沒所謂"
什麼也可以, 什麼也沒所謂.

JAY說逃避是否認自己.
關於這點, 我有認真的想過,
到底面對困難痛苦, 還是逃避困難痛苦呢?

面對, 又可以面對什麼呢?
有什麼是必要去做的呢?
啊啊, 真的好煩, 還是不想了.
就先面對一下功課先吧.XDDDD

我爸爸某程度上是一個很有趣的人, 他的性格其實我幾鐘意的.
他不會像其他同學的爸爸一樣了解自己的子女,
他不會記得我們幾多歲, 讀緊幾多年級.

我小學時, 他問我, 讀書點呀? 乖唔乖呀?
我中學時, 他問我, 讀書點呀? 乖唔乖呀?
我大學時, 他問我, 讀書點呀? 乖唔乖呀?

哈哈. 仲會問我幾多歲.

他問我讀書唔係問成績的.
而係" 點呀? 讀書開唔開心呀?"
       "開心"
       "開心就得了."
       "咁你呢? 工作開唔開心?"
       "緊張又刺激"
       "都是正面的東西, 咁就得了."

今天和昨天依舊的沒有方向.
其實到最後我為了什麼來到這裡?
名財官利, 什麼可以帶得走?
或許, 來這兒, 就是要學會取得平衡,
communicate with the world.

受騙了, 網上交易貨寄了, 錢寄了, 但收不到錢,
金額不少, 內心有點痛苦.
除了報警, 沒事可以做.

可以當是去了趟日本旅行,
可以當是捐了給山區居民,
可以當是上了一課.

只是, 想起當初她叫我信她的言語,
不禁有點痛苦.
信心被利用的感覺不好受.
我又是那麼容易信人, 不懂拒絕.

一下間, 恨不得所有的尼日利亞人被希特拉殺死,
要不受天災橫禍奪去所有.
但靜下來想, 他們或許已經在地獄中.
貪念是貧窮的因.
世世為了個錢字去痛苦爭扎, 去偷去呃,
最後可以得到什麼呢?

就當是我無知不夠機警,
就當是我前世欠下的,
不再把快樂也給他偷去了.

也許, 從這次的事中, 我其實還可以學到好多好多.
下次我會小心好多的了.

不順著走, 你就得痛苦,
順著的走, 你還是會遇上阻礙,
當你看得愈來愈多, 人性也是了一種機械化,
誰愛誰, 誰會跟誰形影不離都可以從術數中看得出時,
還有什麼好說的.

看著更多更多的故事,
更多更多的愛恨情仇,
人生半百還是為了一個情字看不開, 放不下時,
真的打從心底裡冷出來.

隨處天堂, 隨處地獄,
天堂地獄沒有哪樣可以獨立存在,
看你執著於哪方,
身在天堂背後也帶著影子,
身在地獄前面也帶著燭光.

剛剛, 有SMS來給了我一個人的時辰八字, 問我打官司的話會怎麼辦,
我看了, 答不好, 然後她就打電話給我了.
是一個朋友.

她問了兩句, 就說讓我跟當時人說.
我的心慌了起來, 我過往只是幫一些後生看愛情, 錢財等,
幫一個五十多歲的長輩看, 還要是打官司,
我要說的, 還要是"八字上看, 勝算好低"這些殘忍說話.
我很慌.

她的語氣輕描淡寫中帶絕望,
我不想騙她, 說了實情,
明白了她的擔憂, 再用她的姓名開了一支卦, 看看有沒有轉機,
"接替卦: 加官進爵是天意, 死了君王我接替"
"件事你幫人頂的? "
"是啊."
"我用你的姓名開了支卦, 大概是說你幫你頂的話走不掉的了."
"有沒有方法去解?"
"戴一些金器吧, 有點助力"
.....
其實戴什麼戴什麼可以改運, 這點連我都不信.

化解什麼, 化解什麼, 我根本不信.
結果幫人算命, 就像給人絕望一樣,
我不想給人假希望, 也不想侮辱術數,
但是給他們絕望的真相, 自己也感受到同樣的絕望,
好難過. 我想給他們希望, 不過不想給他們連我都不信的希望,
但是, 你怎樣叫一個絕望的人給別人希望呢?
但又怎能叫一個犯官非的人看開?

其實, 我什麼都未準備好.